Италиянинг "Парма" клуби япон дарвозабони Дзион Судзукининг "ПСЖ"га трансфери амалга ошмай қолди. Бу ҳақда инсайдер Фабрицио Романо ўз Telegram-каналида хабар берди.
Манбага кўра, томонлар футболчининг 35 млн евро эвазига трансфери бўйича оғзаки келишувга эришган.
Ҳатто Сузукини тиббий кўрикдан ўтказиш учун Парижга олиб келиш мақсадида "Парма"га хусусий самолёт ҳам юборилган. Бироқ япон дарвозабони сўнгги лаҳзада "ПСЖ"га ўтишдан бош тортган.
Романонинг маълум қилишича, трансфернинг бузилишига футболчи вакиллари билан музокаралар жараёнида юзага келган муаммолар ва комиссия тўловлари билан боғлиқ масалалар сабаб бўлган.
Зион Сузуки 2024 йилдан бери "Парма" сафида тўп суриб келмоқда. Ўтган мавсумда у Италия клуби учун 22 та ўйинда майдонга тушган ва шуларнинг 6 тасида дарвозаси дахлсизлигини сақлаб қолган.
