Бугун, 16 август куни Ўзбекистон Суперлигасининг 17-турига якун ясалади. Турнинг сўнгги учрашувида "Насаф" Қаршида "Пахтакор"ни қабул қилади.

Баҳс Қарши марказий стадионида ўтказилади ва соат 19:00 да бошланади. Учрашув Futbol TV телеканали орқали жонли эфирда намойиш этилади.

ЎзПФЛ тақдим этган статистикага кўра, жамоаларнинг ўзаро баҳсларида "Пахтакор" сезиларли устунликка эга. Тошкентликлар 31 марта ғалаба қозонган, "Насаф" ҳисобида эса 13 та ғалаба бор. Шунингдек, 16 та учрашувда ғолиб аниқланмаган.

Голлар нисбати ҳам "Пахтакор" фойдасига — 84:53. "Насаф"нинг ўзаро баҳслардаги энг йирик ғалабаси 4:0, "Пахтакор"ники эса 0:4 ҳисобида қайд этилган.