«Галатасарой» Ноа Лангни жамоага жалб этишни истамоқда.
Аввал хабар берганимиздек, Истамбул клуби ўз сафида ярим мавсум ўтказган нидерландиялик футболчини қайтаришга кутилмаганда қарор қилди ва бу масала бўйича «Наполи» билан яна алоқага чиқмоқда.
Туркия клуби бош мураббийи Окан Бурук ҳам Лангга қизиқиш борлигини тасдиқлади.
«Бизга ҳужум гуруҳидаги сифатли футболчилар етишмаяпти. Биз зудлик билан ҳужумкор ярим ҳимоячи, ҳужумчи ва вингер билан таркибни кучайтиришимиз керак.
Ушбу трансферлар расмийлаштирилганидан сўнг, келажакка анча катта оптимизм билан қараймиз. Умид қиламизки, бу бир ҳафта ичида амалга ошади", — дея Бурукнинг сўзларини келтиради calcionapoli1926.it.
