«ПСЖ»нинг янги футболчиси Мика Годтс «Аякс»дан парижликлар клубига ўтганидан сўнг ўзининг кучли жиҳатлари ҳақида гапирди.
«Мен дриблингни жуда яхши кўрадиган футболчиман. Бу менинг асосий кучли жиҳатларимдан бири. Мен ҳужумкор футболчиман, гол уришни ва голли узатмалар беришни яхши кўраман.
Аммо мен учун энг муҳими — жамоага ёрдам бериш, тўғри кайфиятни сақлаш ва мухлисларни хурсанд қилиш», — деди Годтс.
Аввалроқ «ПСЖ» Годтсни «Аякс»дан сотиб олганини расман эълон қилган эди. Ҳужумчи парижликлар билан 2031 йил ёзига қадар шартнома имзолади ва 22-рақамни олди.
