«Пари Сен-Жермен» бош мураббийи Луис Энрике 16 август куни бўлиб ўтадиган Франция Суперкубоги доирасидаги «Ланс»га қарши ўйин олдидан ўз фикрларини билдириб ўтди.
«Биз ҳар доим лойиҳамизга ва ғоямизга энг муносиб бўлган футболчиларни қидирамиз. Эртага мавсумдаги энг қийин ўйинлардан бирини ўтказамиз — ажойиб стадионда «Ланс»га қарши майдонга тушамиз. Меҳмонда яна бир муҳим трофейни қўлга киритишга ҳаракат қиламиз. У ерда ўйнаш қанчалик мураккаблигини биламиз. Қолаверса, тайёргарлигимиз ҳали оптимал даражада эмаслиги сабабли бу мавсумнинг алоҳида пайти ҳисобланади.
Таркибда жиддий ротация кутиладими? Рақибга шама қилишимни хоҳлайсизларми? Билмадим… Ким майдонга тушишини билиш учун аввал аёлим билан гаплашиб олишим керак», — деди Энрике RMC Sport нашрига.
