Мадриднинг «Реал» клуби чап қанот ҳимоячиси Альваро Каррерас Жозе Моуриньо қўл остида ўз имкониятига эга бўлади.
23 ёшли футболчи Марк Кукурельянинг келишидан сўнг муқим ўйин амалиётисиз қолиш хавфи остида қолган ва шу сабабли ОАВда унинг сотилиши мумкинлиги ҳақида хабарлар тарқалган эди. Шунга қарамай, Marca нашрининг хабарига кўра, Моуриньо Каррерасга ҳалол рақобатда асосий таркибдан жой олиш имкониятини беришни ваъда қилди. Португалиялик мутахассис, гарчи ёз бошида Кукурельянинг трансферини ўзи фаол талаб қилган бўлса-да, унга асосий таркибда ўйнаш бўйича ҳеч қандай кафолат берилмаганини таъкидлаган.
Альваро Каррерас ўтган йилнинг июль ойида «Реал» томонидан «Бенфика»дан 50 миллион евро эвазига сотиб олинган эди.
