"Ливерпуль" ярим ҳимоячиси Кёртис Жонс яқин вақт ичида Миланнинг "Интер" клубига ўтиши мумкин.

Маълумотларга кўра, англиялик футболчи ҳали ёзги трансфер ойнаси очилишидан олдин "нерадзурри" сафига қўшилишга розилик берган. Клублар ўртасидаги музокаралар қийин кечаётган бўлса-да, томонлар келишувга яқинлашмоқда.

Журналист Жанлуижи Лонгари хабар беришича, трансфер жараёнида иштирок этаётган воситачилар "Ливерпуль" якунда таклифга рози бўлишига ишонмоқда. "Интер" эса музокараларни тезлаштириш ниятида ва яқин вақт ичида янги таклиф билан чиқишни режалаштирган.

Италия гранди Кёртис Жонснинг ўзи билан шартнома шартларини тўлиқ келишиб олган.

Трансфер суммаси бонусларсиз тахминан 30 млн евро бўлиши кутилмоқда.