Ўзбекистон Суперлигаси 17-турининг энг чиройли голи аниқланди. Профессионал футбол лигаси талқинига кўра, "Бунёдкор" ярим ҳимоячиси Дмитрий Плетнёв томонидан киритилган тўп турнинг энг яхши голи деб топилди.
Плетнёв ушбу голни 14 август куни Наманганда бўлиб ўтган "Навбаҳор" — "Бунёдкор" учрашувида урганди. Иккинчи бўлим бошида Сардор Абдунабиевнинг узатмасидан кейин россиялик футболчи рақиб дарвозасини ишғол қилиб, ҳисобни 2:2 кўринишига келтирган.
Умуман, мазкур баҳс ҳақиқий голлар шоуига айланди — жамоалар жами еттита гол уришди. Якунда "Навбаҳор" 4:3 ҳисобида ғалаба қозонди. "Бунёдкор" сафида Сардор Абдунабиев, Дмитрий Плетнёв ва Фахриддин Муҳаммадов гол урган бўлса, мезбонлардан Муҳаммадали Ғиёсов, Ҳусайн Норчаев, Диёр Холматов ва Русланбек Жиянов ўз номини таблога ёздирди.
28 ёшли Плетнёв 2026 йилги мавсум олдидан "Бунёдкор" сафига қўшилган. У асосан ҳужумкор ярим ҳимоячи сифатида ҳаракат қилади.
Шу тариқа, Плетнёвнинг Намангандаги зарбаси Суперлига 17-турининг энг чиройли голи сифатида эътироф этилди.
