Леверкузеннинг "Байер" клуби марказий ярим ҳимоячиси Эсекиэль Паласиос фаолиятини Англия Премьер-лигасида давом эттириши мумкин.
Таниқли инсайдер Фабрицио Романо маълумотига кўра, 27 ёшли аргентиналик футболчига "Ипсвич" қизиқиш билдирмоқда.
Англия элит дивизиони дебютанти аллақачон "Байер"га расмий таклиф юборган ва айни пайтда Германия клубининг жавобини кутмоқда.
Паласиос 2020 йилдан буён Леверкузен клуби шарафини ҳимоя қилиб келмоқда. Ўтган мавсумда у барча мусобақалар доирасида 25 та ўйинда майдонга тушиб, 1 та голли узатмани амалга оширди.
Transfermarkt портали аргентиналик ярим ҳимоячининг бозор қийматини 25 миллион еврога баҳоламоқда. Унинг "Байер" билан амалдаги шартномаси 2030 йилга қадар мўлжалланган.
