Саудия Арабистонининг "Ал-Ҳилол" клуби ҳужум чизиғини кучайтириш учун уч нафар номдор футболчини ўз рўйхатига киритди.
talkSPORT маълумотига кўра, клубнинг асосий мақсади "Бавария" ҳужумчиси Харри Кейн ҳисобланади. "Ал-Ҳилол" аллақачон 33 ёшли англиялик футболчининг вакиллари билан эҳтимолий трансфер юзасидан музокара ўтказган.
Кейннинг "Бавария" билан шартномаси келаси йили якунланади. Мюнхен клуби унинг келишувини узайтиришни истамоқда, аммо ҳужумчининг ўзи Саудия Арабистонига ўтиш вариантини ҳам истисно қилмаяпти.
"Ал-Ҳилол" рўйхатидан, шунингдек, "Галатасарой" ҳужумчиси Виктор Осимхен ва "Астон Вилла" футболчиси Олли Уоткинс ҳам ўрин олган. Бироқ "Астон Вилла" Уоткинс бу ёзда клубни тарк этмаслигига ишонмоқда.
