Ўзбекистон Суперлигасининг 18-туридан ўрин олган "Машъал" ва "Андижон" жамоалари ўртасидаги учрашув якунланди.

Ғузордаги "Марказий" стадионида ўтган баҳсда меҳмонлар 1:0 ҳисобида ғалаба қозонди.

Учрашувдаги ягона гол 53-дақиқада киритилди. Имеда Ашортианинг узатмасидан сўнг Пўлатхўжа Холдорхонов рақиб дарвозасини ишғол қилиб, "Андижон"ни ҳисобда олдинга олиб чиқди.

Қолган дақиқаларда "Машъал" ҳисобни тенглаштиришга ҳаракат қилди, бироқ "Андижон" ўз устунлигини сақлаб қолиб, сафардан уч очко билан қайтди.

Баҳс давомида Ҳумоюнмирзо Иминов, Маҳмуд Жўрабоев ва Александре Андроникашвили сариқ карточка билан огоҳлантирилди.

Учрашувни бош ҳакам Рустам Чориев бошқарди. VAR вазифасини Абдурашид Худойберганов бажарди.