Спорт курашлари бўйича U20 ёш тоифасидаги жаҳон чемпионатида навбатдаги кун баҳслари якунланди. Словакияда ўтказилаётган мусобақанинг ушбу кунида Ўзбекистон вакиллари 2 та кумуш ва 1 та бронза медалга сазовор бўлишди.

Кумуш медаллар:

• 60 кг — Достонбек Орипов
• 53 кг — Соҳибжамол Эсбўсинова

Бронза медал:

• 50 кг — Нилуфар Нурмуҳаммадова

Юнон-рум кураши баҳслари якунларига кўра, ҳамюртларимиз 95 очко жамғариб, умумжамоа ҳисобида Россия ва Эрондан кейин 3-ўринни эгаллашди.

Бугунги кечки дастурда қизларимиздан Муҳайё Нарзиллаева -65 кг вазн тоифасида финал баҳсида иштирок этса, Феруза Қайратдинова -62 кг вазн тоифасида бронза медали учун кураш олиб боради.

Шунингдек, кун давомида эркин ва аёллар кураши бўйича яна 3 нафар спортчимиз саралаш босқичида баҳсларга киришади.

Финал:

• 65 кг: Муҳайё Нарзиллаева — Маргарита Салазарян (Россия)

Бронза медали учун:

• 62 кг: Феруза Қайратдинова / Озденур Озмез (Туркия) — Ифань Чжу (Хитой)