«Комо» «Вильярреал» марказий ҳимоячиси Вилли Камбвала трансфери бўйича музокараларда олдинга силжиди. Бу ҳақда инсайдер Фабрицио Романо хабар берди.
Манбага кўра, клублар ўртасидаги музокаралар жадал кечмоқда. Франциялик ҳимоячи Италия клубининг трансфер бозоридаги устувор мақсадларидан бири ҳисобланади.
Аввалроқ журналист Маттео Моретто 21 ёшли футболчи «Осасуна» билан шартноманинг деярли барча шартларини оғзаки келишиб олгани ҳақида хабар берган эди.
Шу билан бирга, Камбваланинг собиқ клуби «Манчестер Юнайтед» футболчининг кейинги трансферидан маълум фоиз олиш ҳуқуқига эга.
Камбвала 2024 йил ёзида «Манчестер Юнайтед»дан «Вильярреал»га 10 миллион евро эвазига кўчиб ўтганди. Ўтган мавсумда у сон орқа қисми пайидан олган жароҳати сабаб бор-йўғи иккита учрашувда майдонга тушди.
