«Komo» «Vilyarreal» markaziy himoyachisi Villi Kambvala transferi bo‘yicha muzokaralarda oldinga siljidi. Bu haqda insayder Fabrisio Romano xabar berdi.
Manbaga ko‘ra, klublar o‘rtasidagi muzokaralar jadal kechmoqda. Fransiyalik himoyachi Italiya klubining transfer bozoridagi ustuvor maqsadlaridan biri hisoblanadi.
Avvalroq jurnalist Matteo Moretto 21 yoshli futbolchi «Osasuna» bilan shartnomaning deyarli barcha shartlarini og‘zaki kelishib olgani haqida xabar bergan edi.
Shu bilan birga, Kambvalaning sobiq klubi «Manchester Yunayted» futbolchining keyingi transferidan ma’lum foiz olish huquqiga ega.
Kambvala 2024 yil yozida «Manchester Yunayted»dan «Vilyarreal»ga 10 million yevro evaziga ko‘chib o‘tgandi. O‘tgan mavsumda u son orqa qismi payidan olgan jarohati sabab bor-yo‘g‘i ikkita uchrashuvda maydonga tushdi.
