"Вест Хэм" "Манчестер Сити"нинг 18 ёшли ҳужумкор ярим ҳимоячиси Дивайн Мукасани ижарага олиш бўйича келишувга эришди. Бу ҳақда инсайдер Фабрицио Романо хабар берди.
Келишувга футболчини кейинчалик сотиб олиш ҳуқуқи киритилмайди. "Манчестер Сити" трансферга рухсат берган ва Мукасани тиббий кўрикдан ўтказиш ҳам режалаштирилган.
Қизиғи, Мукаса учун "Вест Хэм" бегона клуб эмас. У 2013 йилда ушбу клуб академиясига қўшилиб, 2023 йилга қадар Лондон клуби тизимида тарбияланган. Кейинчалик ёш футболчи "Манчестер Сити"га кўчиб ўтди ва ўтган мавсум асосий жамоада дебют қилди.
2025/26 йилги мавсумнинг иккинчи ярмини эса англиялик футболчи "Лестер"да ижара асосида ўтказди. У Чемпионшипда 2 та гол уриб, 3 та голли узатмани амалга оширди.
