"Vest Xem" "Manchester Siti"ning 18 yoshli hujumkor yarim himoyachisi Divayn Mukasani ijaraga olish bo‘yicha kelishuvga erishdi. Bu haqda insayder Fabrisio Romano xabar berdi.
Kelishuvga futbolchini keyinchalik sotib olish huquqi kiritilmaydi. "Manchester Siti" transferga ruxsat bergan va Mukasani tibbiy ko‘rikdan o‘tkazish ham rejalashtirilgan.
Qizig‘i, Mukasa uchun "Vest Xem" begona klub emas. U 2013 yilda ushbu klub akademiyasiga qo‘shilib, 2023 yilga qadar London klubi tizimida tarbiyalangan. Keyinchalik yosh futbolchi "Manchester Siti"ga ko‘chib o‘tdi va o‘tgan mavsum asosiy jamoada debyut qildi.
2025/26 yilgi mavsumning ikkinchi yarmini esa angliyalik futbolchi "Lester"da ijara asosida o‘tkazdi. U Chempionshipda 2 ta gol urib, 3 ta golli uzatmani amalga oshirdi.
