"Лидс" ҳужумчиси Брэнден Ааронсон билан янги шартнома имзоланганини эълон қилди. Келишув 2029 йил 30 июнга қадар амал қилади.
25 ёшли америкалик футболчи "Лидс" шарафини 2022 йилдан буён ҳимоя қилиб келмоқда. У аввал "Филадельфия" ва "РБ Зальцбург" клубларида ҳам тўп сурган.
2025/26 йилги мавсумда Ааронсон барча мусобақалар доирасида 42 та учрашувда майдонга тушиб, 5 та гол урди ва 3 та голли узатмани амалга оширди.
Transfermarkt портали АҚШ терма жамоаси футболчисининг трансфер қийматини 22 миллион еврога баҳоламоқда.
