«Астон Вилла» ҳужумчиси Олли Уоткинс фаолиятини Саудия Арабистонининг «Ал-Ҳилол» клубида давом эттириш истагини билдирди.

The Athletic маълумотига кўра, англиялик форвард Бирмингем клуби раҳбариятини кетиш истагидан хабардор қилган. «Ал-Ҳилол» футболчи учун навбатдаги таклифини юборган, бироқ «Астон Вилла» уни ҳам рад этган. Сўнгги хабарларда клуб Уоткинс бўйича муносиб таклиф тушса, унинг кетишига рухсат бериши мумкинлиги айтилмоқда.

Уоткинс 2020 йилдан буён «Астон Вилла» шарафини ҳимоя қилиб келади. У жамоага «Брентфорд»дан келиб қўшилган. Ҳужумчи Бирмингем клуби сафида барча мусобақаларда 278 та учрашув ўтказиб, 108 та гол урган ва 47 та голли узатмани амалга оширган.

Унинг «Астон Вилла» билан амалдаги шартномаси 2028 йил ёзига қадар мўлжалланган.