Англиялик ҳимоячи Фикайо Томори Фабио Капеллонинг берган маслаҳатларига қарамай, барибир «Милан»ни тарк этадиганга ўхшайди. Унинг фаолиятини давом эттириш учун энг эҳтимолли сценарий Англияга — АПЛга қайтиш бўлиб турибди.
Сўнгги маълумотларга кўра, Англиянинг мустаҳкам ортамиёна жамоаларидан бири бўлмиш «Фулхэм» футболчига жиддий қизиқиш билдирмоқда. Бу ҳақда италиялик нуфузли журналист Николо Скира хабар берди. Унинг қўшимча қилишича, тез орада трансфер бўйича янги тафсилотлар пайдо бўлади.
Эслатиб ўтамиз, Томори 2021 йилдан бери «Милан» сафида тўп суриб келмоқда. Ушбу дам олиш кунлари «россонери» Серия Анинг янги мавсумидаги илк ўйинини «Торино»га қарши сафарда ўтказади.
