Франция футболи гегемони «ПСЖ» Opta суперкомпьютери ҳисоб-китобларига кўра 67 фоиз эҳтимол билан янги мавсумда ҳам чемпионликни қўлга киритади. Париж клубининг мавсумни 11-ўриндан пастда якунлаш эҳтимоли эса мутлақо 0,0000 фоизга тенг деб баҳоланди.

Титул учун иккинчи асосий даъвогар сифатида «Ланс» кўрилмоқда — яқиндагина ушбу клуб Франция Суперкубоги учун кечган баҳсда «ПСЖ»ни мағлуб этган эди. «Ланс»нинг чемпионлик имконияти 9,8 фоизга тенг.

Қизиғи шундаки, «Лион»нинг чемпионлик имкониятлари «Лилль»никидан бироз юқорироқ баҳоланди (4,4% ва 4,3%), ваҳоланки ўтган мавсум якунларига кўра «лионликлар» жадвалда рақибидан ортда қолган эди. Шунга ўхшаш ҳолат «Монако» ва «Марсель» ўртасида ҳам кузатилди — князлик клубининг имконияти 3,4 фоиз, «Марсель»ники эса 3,3 фоизни ташкил этмоқда.