«Барселона»нинг чап қанот ҳимоячиси Алехандро Бальде «Милан» клубига таклиф қилинган эди.
Футболчининг агенти Жорже Мендеш ўз мижозини бошқа клубга жойлаштиришга ҳаракат қилмоқда. Инсайдер Фабрицио Романонинг хабар беришича, португалиялик агент 22 ёшли футболчи хизматларини «Милан»га таклиф этган, аммо «россонери» музокаралар олиб боришни истамаган. Италия клуби шу ёзда бошқа йирик трансферни амалга оширишни режалаштирмаяпти.
Маълумот учун, Алехандро Бальденинг Transfermarkt порталидаги баҳоси 50 миллион еврони ташкил этади. Ушбу ёзги трансфер ойнасида «Милан» ўз тарихидаги энг йирик иккита трансферни амалга ошириб бўлди ва янги футболчилар учун умумий ҳисобда 160 миллион евродан ортиқ маблағ сарфлади.
