"Бавария"нинг собиқ ярим ҳимоячиси Леон Горецка фаолиятини Англия Премьер-лигасида давом эттириши мумкин.

Журналист Маттео Моретто маълумотига кўра, 31 ёшли германиялик футболчи айни пайтда "Астон Вилла" билан музокара олиб бормоқда. Горецка ёзда "Бавария" билан шартномаси якунлангач, клубни эркин агент сифатида тарк этган. Шу боис Бирмингем клуби уни трансфер пули тўламасдан ўз сафига қўшиб олиши мумкин.

Горецка "Бавария" сафида саккиз мавсум ўтказди. У мюнхенликлар таркибида жами 312 та учрашувда майдонга тушиб, 51 та гол ва 53 та голли узатма қайд этган.

Манбада келтирилишича, футболчининг Transfermarkt порталидаги бозор қиймати 12 миллион еврони ташкил этади.