«Астон Вилла» бош мураббийи Унаи Эмери Премьер-лиганинг «катта олтилиги» бу ёзда трансферларга сарфлаётган маблағларини «ақлбовар қилмас даражада катта» деб баҳолади. Шу билан бирга, у ички чемпионат ва Европа мусобақаларида юқори ўринлар учун яна бир бор курашишни интиқлик билан кутаётганини айтди.
«Астон Вилла» бу ёзда бир қатор асосий футболчиларини сотиб юборди. Улар орасида Морган Рожерс, Люка Динь, Эзри Конса ва Юри Тилеманс ҳам бор. Яқин кунларда Эмилиано Мартинес ва Олли Уоткинс ҳам жамоани тарк этиши мумкин.
Премьер-лига клубларининг трансферларга сарфлаётган маблағлари ҳақида сўралганда, Эмери кулиб қўйди ва шундай деди: «Бу ақлбовар қилмас даражада! Ишониш қийин, аммо вазият шу. Иқтисодий жиҳатдан уларда бундай маблағларни сарфлаш имконияти бор. Премьер-лига — ақлбовар қилмас даражадаги қийин чемпионат.
Бугун балки офисимга борсам, яна шундай катта трансфер амалга оширилганини кўришим мумкин. Сўнгги шундай трансферни «Тоттенхэм» Савиньони қўлга киритганида амалга оширди.
Бу Премьер-лига учун жуда яхши ва биз ҳам бу жараённинг бир қисмимиз. Ҳар куни янада кўпроқ меҳнат қиляпман ва футбол бизга бераётган барча имкониятлар учун миннатдорман», — деди Эмери.
