Италиялик таниқли трансфер инсайдери Жанлука Ди Марционинг маълум қилишича, «Аталанта» ПСВ қанот ҳужумчиси Деннис Манга қизиқиш билдирмоқда ва уни ёзги трансфер ойнаси ёпилгунига қадар таркибига қўшиб олиш имкониятини кўриб чиқяпти.

Руминиялик футболчи Италия футболига яхши таниш — у аввал «Парма» шарафини ҳимоя қилган. Ман ўтган мавсум ПСВ сафида барча мусобақаларда 35 та ўйинда қатнашиб, 11 та гол урди ва 7 та голли узатмани амалга оширди. Шунингдек, у жамоанинг Нидерландия чемпионлигига эришишида муҳим роль ўйнади.

«Аталанта» ҳужум чизиғини кучайтириш учун бошқа номзодларни ҳам кўриб чиқмоқда. Бергамоликлар «Наполи» футболчиси Ноа Лангга қизиқиш билдирган, бироқ айни пайтда нидерландиялик қанот футболчиси учун курашда «Интер»нинг имконияти юқорироқ баҳоланмоқда.

Шунингдек, «Аталанта» «Болонья» қанот ҳужумчиси Николо Камбьягини клубга қайтариш вариантини ҳам муҳокама қилмоқда.