Italiyalik taniqli transfer insayderi Janluka Di Marsioning ma’lum qilishicha, «Atalanta» PSV qanot hujumchisi Dennis Manga qiziqish bildirmoqda va uni yozgi transfer oynasi yopilguniga qadar tarkibiga qo‘shib olish imkoniyatini ko‘rib chiqyapti.
Ruminiyalik futbolchi Italiya futboliga yaxshi tanish — u avval «Parma» sharafini himoya qilgan. Man o‘tgan mavsum PSV safida barcha musobaqalarda 35 ta o‘yinda qatnashib, 11 ta gol urdi va 7 ta golli uzatmani amalga oshirdi. Shuningdek, u jamoaning Niderlandiya chempionligiga erishishida muhim rol o‘ynadi.
«Atalanta» hujum chizig‘ini kuchaytirish uchun boshqa nomzodlarni ham ko‘rib chiqmoqda. Bergamoliklar «Napoli» futbolchisi Noa Langga qiziqish bildirgan, biroq ayni paytda niderlandiyalik qanot futbolchisi uchun kurashda «Inter»ning imkoniyati yuqoriroq baholanmoqda.
Shuningdek, «Atalanta» «Bolonya» qanot hujumchisi Nikolo Kambyagini klubga qaytarish variantini ham muhokama qilmoqda.
