"Наполи" таркибини янги футболчи билан кучайтирди. Неаполликлар "Челси" марказий ҳимоячиси Бенуа Бадьяшилни ижарага олганини эълон қилди. Келишувда футболчини кейинчалик сотиб олиш имконияти ҳам кўзда тутилган.
Бадьяшил "Челси" сафида жами 71 та расмий учрашувда майдонга тушиб, 2 та гол урган ва 1 та голли узатмани амалга оширган.
Франциялик ҳимоячи "Челси"га келгунга қадар "Монако" шарафини ҳимоя қилган. У айнан Монако клуби академияси тарбияланувчиси ҳисобланади.
"Наполи" Италия А Сериясининг янги мавсумидаги илк учрашувини сафарда "Женоа"га қарши ўтказади. Неаполликлар ўтган мавсум чемпионатни иккинчи ўринда якунлаган.
