Англия Премьер-лигасининг 2026/27-йилги мавсуми 1-турида «Брентфорд» ўз майдонида «Тоттенхэм»ни 3:0 ҳисобида мағлуб этди.

Мезбонлар 12-дақиқада Кин Льюис-Поттернинг голи эвазига ҳисобни очди. 33-дақиқада Витали Янельт устунликни оширган бўлса, иккинчи бўлим бошида Микаэль Кайоде учинчи голни киритди.

55-дақиқада «Брентфорд» ҳисобни янада йириклаштириши мумкин эди, аммо Игор Тиаго пенальтидан фойдалана олмади.

«Тоттенхэм»нинг янги футболчилари Эндрю Робертсон ва Сандро Тонали учрашувни асосий таркибда бошлади.

Шу тариқа, «Брентфорд» янги мавсумни ишончли ғалаба билан бошлаган бўлса, «Тоттенхэм» илк турда жавобсиз учта гол ўтказиб юборди.

Кейинги турда «Тоттенхэм» 29-август куни «Ньюкасл»ни қабул қилади. «Брентфорд» эса 30-августда «Лидс» меҳмони бўлади.