Мадриднинг «Реал» клуби футболчиси Трент Александер-Арнольд ҳамон собиқ жамоаси «Ливерпуль»даги воқеаларни диққат билан кузатиб боришини тан олди.

Англиялик ҳимоячи ўтган йил ёзи бошида «қизиллар» сафидан «қаймоқранглилар» сафига кўчиб ўтганди.

«Мен ҳамон «Ливерпуль»нинг барча ўйинларини томоша қиламан, жамоани қўллаб-қувватлайман ва унга доимо муваффақият тилайман. Нима бўлишидан қатъи назар, қалбимда «Ливерпуль» учун ҳамиша алоҳида жой бўлади.

Бу — менинг уйим. Клуб мен учун қилган барча ишни доимо қадрлайман», — деди Александр-Арнольд Mirror нашрига берган интервьюсида.

Трент Мадридга кўчиб ўтгунига қадар «Ливерпуль» сафида 354 та учрашувда майдонга тушган. 27 ёшли ўнг қанот ҳимоячисининг «Реал» билан шартномаси 2031 йилгача амал қилади.