"Брентфорд" ҳужумчиси Игор Тьяго фаолиятини "Ноттингем Форест"да давом эттириши мумкин.
Журналист Руди Галетти маълумотига кўра, "ўрмончилар" бразилиялик форвард трансфери бўйича "Брентфорд"га расмий таклиф юборган. Таклиф миқдори 82 миллион еврони ташкил қилади.
Тьягонинг "Брентфорд" билан узоқ муддатли шартномаси мавжуд. Шунга қарамай, 25 ёшли ҳужумчига бир қатор клублар жиддий қизиқиш билдираётгани сабабли унинг трансфери амалга ошиши истисно қилинмаяпти.
Тьяго "Брентфорд"нинг "Тоттенхэм"га қарши учрашувида асосий таркибда майдонга тушди. Жамоаси 3:0 ҳисобида йирик ғалабага эришганига қарамай, форвард майдонда ўтказган 83 дақиқа давомида гол ёки голли узатма билан ажралиб тура олмади.
Бразилиялик футболчининг "Брентфорд" билан амалдаги шартномаси 2031 йилга қадар мўлжалланган.
