Испания Ла Лигасининг 2-туридан ўрин олган "Атлетико" ва "Вильярреал" ўртасидаги учрашув якунланди. Мадриддаги "Сивитас Метрополитано" стадионида ўтган баҳс 2:2 ҳисобидаги дуранг билан тугади.

Учрашувдаги биринчи гол 59-дақиқада урилди. "Атлетико" ҳимоячиси Марк Пубиль ҳисобни очди.

66-дақиқада "Вильярреал" ҳужумчиси Херар Морено пенальтини аниқ амалга ошириб, ҳисобни тенглаштирди — 1:1.

76-дақиқада мадридликлар ҳимоячиси Робен Ле Норман қизил карточка олиб, майдондан четлатилди. Орадан икки дақиқа ўтиб, меҳмонлар яна пенальти тепиш ҳуқуқига эга бўлди. Жорж Микаутадзе имкониятдан фойдаланиб, "Вильярреал"ни ҳисобда олдинга олиб чиқди — 2:1.

86-дақиқада Жулиано Симеоне "Атлетико"ни мағлубиятдан қутқариб қолди ва якуний ҳисобни ўрнатди — 2:2.

"Атлетико" ҳужумчиси Хулиан Альварес 67-дақиқада захирадан майдонга тушди.

Ўтган мавсумда "Атлетико" 38 та ўйинда 69 очко жамғариб, Испания чемпионатини 4-ўринда якунлаган. "Вильярреал" эса 72 очко билан 3-ўринни эгаллаган.

Кейинги турда "Атлетико" 29 август куни сафарда "Севилья"га қарши майдонга тушади. "Вильярреал" эса 28 август куни ўз майдонида "Алавес"ни қабул қилади.