Ispaniya La Ligasining 2-turidan o‘rin olgan "Atletiko" va "Vilyarreal" o‘rtasidagi uchrashuv yakunlandi. Madriddagi "Sivitas Metropolitano" stadionida o‘tgan bahs 2:2 hisobidagi durang bilan tugadi.

Uchrashuvdagi birinchi gol 59-daqiqada urildi. "Atletiko" himoyachisi Mark Pubil hisobni ochdi.

66-daqiqada "Vilyarreal" hujumchisi Xerar Moreno penaltini aniq amalga oshirib, hisobni tenglashtirdi — 1:1.

76-daqiqada madridliklar himoyachisi Roben Le Norman qizil kartochka olib, maydondan chetlatildi. Oradan ikki daqiqa o‘tib, mehmonlar yana penalti tepish huquqiga ega bo‘ldi. Jorj Mikautadze imkoniyatdan foydalanib, "Vilyarreal"ni hisobda oldinga olib chiqdi — 2:1.

86-daqiqada Juliano Simeone "Atletiko"ni mag‘lubiyatdan qutqarib qoldi va yakuniy hisobni o‘rnatdi — 2:2.

"Atletiko" hujumchisi Xulian Alvares 67-daqiqada zaxiradan maydonga tushdi.

O‘tgan mavsumda "Atletiko" 38 ta o‘yinda 69 ochko jamg‘arib, Ispaniya chempionatini 4-o‘rinda yakunlagan. "Vilyarreal" esa 72 ochko bilan 3-o‘rinni egallagan.

Keyingi turda "Atletiko" 29 avgust kuni safarda "Sevilya"ga qarshi maydonga tushadi. "Vilyarreal" esa 28 avgust kuni o‘z maydonida "Alaves"ni qabul qiladi.