"Манчестер Сити" ҳимоячиси Йошко Гвардиол Англия Премьер-лигасининг 1-турида "Борнмут" устидан қозонилган ғалабадан кейин ўз фикрларини билдирди.
23 август куни бўлиб ўтган учрашувда "Манчестер Сити" рақибини 2:1 ҳисобида иродали тарзда мағлуб этди. Гвардиол жамоасига ғалаба келтирган гол муаллифи бўлди.
"Ҳозир ҳамма ўзидан фахрланмоқда. Бу мавсумдаги биринчи ўйинимиз ва ғалаба қанчалик муҳим эканини яхши биламиз. Айниқса, сўнгги ҳафталарда жамоада юз берган барча ўзгаришларни ҳисобга олсак, бу натижанинг аҳамияти янада ортади.
Биз ғалабага лойиқ эдик. Уч очкони қўлга киритганимиздан хурсандман", — деди Гвардиол ўйиндан сўнг.
"Манчестер Сити" навбатдаги учрашувини 28 август куни ўтказади. "Шаҳарликлар" АПЛ 2-турида сафарда "Кристал Пэлас"га қарши майдонга тушади.
