«Лилль» бош мураббийи Давиде Анчелотти «Реал» ярим ҳимоячиси Тиаго Питарчни жамоага олиб келишни истамоқда. Бу ҳақда The Athletic журналисти Марио Кортегана хабар берди.

Франция клуби 19 ёшли футболчини «Манчестер Сити»га ўтиши кутилаётган Айюб Буаддининг ўрнини босувчи асосий номзод сифатида кўрмоқда. Манчестерликлар 18 ёшли марокашлик учун 95 млн евро ва яна 5 млн евро миқдорида бонус тўлаши мумкин.

Маълумотларга кўра, «Лилль» Питарчни ижарага олиш масаласида «Реал»га мурожаат қилган, аммо Мадрид клуби таклифни рад этган.

Питарч яқинда «Реал» билан яхшиланган шартнома имзолади. Футболчи мадридликларнинг асосий жамоаси рўйхатига киритилган ва 27-рақамда ҳаракат қилади. Бош мураббий Жозе Моуриньо унга 2026/27 йилги мавсумда имконият беришни режалаштирмоқда.

Шу сабабли Питарчнинг «Лилль»га ўтиш эҳтимоли ҳозирча паст баҳоланмоқда. Франция клуби таклиф шартларини ўзгартириши ёки Буадди ўрнига бошқа номзод қидириши мумкин.