Лондоннинг «Челси» клуби «Монако»нинг ёш сенегаллик ярим ҳимоячиси Ламин Камарани ўз сафига қўшиб олишдан манфаатдор.
Инсайдер ва журналист Саша Тавольерининг маълум қилишича, лондонликлар 22 ёшли сенегаллик футболчини жорий ёзда «Манчестер Сити»га ўтиши мумкин бўлган аргентиналик Энцо Фернандесга ўринбосар сифатида кўрмоқда.
«Монако» ёш африкалик футболчининг трансферидан камида 60 миллион евро ишлаб олишни режалаштирмоқда.
Камара 2024 йил ёзидан буён «Монако»да ўйнаб келмоқда. Ундан аввал ярим ҳимоячи «Мец» сафида тўп тепган.
Ўтган мавсумда Ламин Камара Франция чемпионатида «Монако» таркибида 24 та учрашувда майдонга тушиб, 3 та гол урди ва 4 та голли узатма амалга оширди.
