Руминия футболи собиқ ҳимоячи Нае Унгурянунинг вафоти муносабати билан мотамда. У 1970-80-йилларда, Руминия футболи юксалиш даврини бошдан кечираётган пайтда ёрқин ўйинлари билан танилган футболчилардан бири эди.
Унгуряну дастлаб Крайова шаҳрининг «Университатя» клубида тўп сурган, фаолиятининг сўнгги йилларида эса 1987-1992 йиллар оралиғида «Стяуа» шарафини ҳимоя қилган.
У «Стяуа» билан 1989 йил Европа чемпионлар кубоги финалида ҳам майдонга тушган. Бироқ ўша баҳсда Бухарест клуби 1986 йилдаги сенсацион муваффақиятини такрорлай олмай, «Милан»га 0:4 ҳисобида мағлуб бўлган.
«Университатя» ва ҳозирда ФКСБ номи билан иштирок этаётган «Стяуа» собиқ футболчисининг вафоти муносабати билан унинг оиласи ва яқинларига ҳамдардлик билдирди.
