Германия Бундеслигасида мутлақ дебютант ҳисобланган «Эльверсберг» юқори дивизиондаги иштирокини жуда ёрқин бошлади.

Янги иштирокчи Германиянинг кучли клубларидан бири бўлган Леверкузеннинг «Байер» жамоасини 3:2 ҳисобида мағлуб этди.

Эътиборлиси, «Эльверсберг» Бундеслигадаги дастлабки икки голини учрашувнинг 9-дақиқасига қадар уришга муваффақ бўлди. Бу Германия чемпионати тарихида мутлақ рекорд бўлди.

Бунга қадар Бундеслигада дебют қилаётган ҳеч бир клуб ўзининг илк икки голини бунчалик тез кирита олмаган эди.

Навбатдаги турда «Эльверсберг» сафарда Мёнхенгладбахнинг «Боруссия» клубига қарши майдонга тушади. Учрашув 5 сентябрь куни бўлиб ўтади.