"Ливерпуль" раҳбарияти ҳозирча ҳимоячи Глен Жонсонга янги шартнома таклиф қилишга тайёр эмас, дея хабар бермоқда The Telegraph.
Клуб мутасаддилари Англия терма жамоаси аъзоси билан келишувни узайтириш масаласини шу мавсум охирига қолдирмоқчилар. Келаси йил амалдаги шартнома муддати якунланишига 2 йил муддат қолади.
Уни узайтиришга шошилмасликнинг асосий сабаби сифатида футболчининг ёши кўрсатилмоқда. Қолаверса, у ливерпулликларнинг энг кўп маош оладиган футболчиларидан ҳисобланади.
Қайд этиш жоиз, "Ливерпуль" Жонсонга янги шартнома таклиф қилган тақдирда ҳам, унинг шартлари ҳозиргисидан яхшироқ бўлиши ҳақиқатдан йироқ эканлиги айтилмоқда.













