Чемпионлар лигасида илк бор иштирок этаётган футболчилар учун махсус фарқловчи белги жорий этилади.
Янги тартибга кўра, турнирдаги биринчи учрашувини ўтказаётган футболчи формасининг енг қисмида "Дебют" ёзуви туширилган махсус нишонлар билан майдонга тушади.
Агар футболчи Чемпионлар лигасидаги дебютини захира ўриндиғидан бошлаб, кейин ўйинга қўшилиш орқали амалга оширса, у ҳам майдонга тушиш пайтида ушбу махсус нишон билан чиқади.
Янгилик 2026/27 йилги мавсумдан бошлаб амал қилади. Бу UEFA ва Американинг Fanatics спорт платформаси ўртасидаги ҳамкорлик келишуви доирасида йўлга қўйилади.
Учрашувдан кейин футболчилар таққан нишонлар Topps коллекцион карточкалар ишлаб чиқарувчисига топширилади. Компания уларни футболчилар имзоси туширилган махсус эксклюзив карточкалар тўпламига интеграция қилади.
Кутилишича, 2027/28 йилги мавсумдан бошлаб худди шундай "Дебют" нишонлари аёллар Чемпионлар лигасида ҳам пайдо бўлади.
