"Челси" Жоржиньо Вейналдумни ўз сафига қўшиб олмайди.

Фабрицио Романо маълумотига кўра, Лондон клуби 35 ёшли нидерландиялик ярим ҳимоячи билан музокара олиб бораётгани ҳақидаги хабарларни рад этган ва у билан шартнома имзолашни режалаштирмаяпти.

Аввалроқ ОАВда томонлар бир йиллик шартнома бўйича музокара олиб бораётгани, келишувни яна бир мавсумга узайтириш имконияти ҳам мавжудлиги хабар қилинган эди.

Ҳатто трансфер тахминан 90 фоизга тайёр экани ҳам айтилган.

Бироқ Романо маълумотига кўра, бу хабарлар ҳақиқатга тўғри келмайди ва "Челси" Вейналдум билан келишув устида ишламаяпти.

Айни пайтда нидерландиялик футболчи "Аль-Иттифоқ"ни тарк этганидан кейин эркин агент мақомида.