"Chelsi" Jorjinyo Veynaldumni o‘z safiga qo‘shib olmaydi.
Fabrisio Romano ma’lumotiga ko‘ra, London klubi 35 yoshli niderlandiyalik yarim himoyachi bilan muzokara olib borayotgani haqidagi xabarlarni rad etgan va u bilan shartnoma imzolashni rejalashtirmayapti.
Avvalroq OAVda tomonlar bir yillik shartnoma bo‘yicha muzokara olib borayotgani, kelishuvni yana bir mavsumga uzaytirish imkoniyati ham mavjudligi xabar qilingan edi.
Hatto transfer taxminan 90 foizga tayyor ekani ham aytilgan.
Biroq Romano ma’lumotiga ko‘ra, bu xabarlar haqiqatga to‘g‘ri kelmaydi va "Chelsi" Veynaldum bilan kelishuv ustida ishlamayapti.
Ayni paytda niderlandiyalik futbolchi "Al-Ittifoq"ni tark etganidan keyin erkin agent maqomida.
