Мадриднинг «Реал» клуби ҳимоячи Рауль Асенсиога нисбатан интизомий текширув бошлади. Бу ҳақда COPE хабар берди.
16 август куни футболчи Канар оролларида полиция томонидан текширув учун тўхтатилган. Алкоголь миқдорини аниқлаш учун ўтказилган тест натижаси белгиланган меъёрдан юқори чиққан.
Суд Асенсиони 14 400 евро миқдорида жаримага тортди ва уни 8 ойга ҳайдовчилик ҳуқуқидан маҳрум қилди.
«Реал» эса воқеа тафсилотларини ўрганиб чиқади ва клубнинг ички тартиб-қоидаларига мувофиқ футболчига нисбатан жазо чорасини белгилайди. Эҳтимолий жарима миқдори ҳозирча очиқланмаган.
Ўтган мавсумда Орельен Тчуамени ва Федерико Вальверде жанжалдан кейин ҳар бири 500 минг евродан жаримага тортилган эди.
