«Фрайбург» «Вердер» устидан йирик 4:1 ҳисобидаги ғалабадан сўнг яхши кайфиятда «Падерборн» меҳмони бўлди.

Жамоа 26-дақиқада ҳисобни очиб, кайфиятини янада кўтарди. Эггештайн рақиб жарима майдони ичида аниқ зарба билан дарвозани ишғол қилди.

«Падерборн» ҳисобни тенглаштиришга ҳаракат қилди. Мезбонлар тўпга эгалик қилиш бўйича устунликка эга бўлишса-да, ҳужумларни хавфли вазиятларга айлантира олмади. «Фрайбург» эса ҳисобни сақлаш учун асосан ҳимояда ўйнади.

Якунда «Фрайбург» 1:0 ҳисобида минимал ғалабани қўлга киритди. Икки турдан сўнг жамоа максимал 6 очко жамғарган. «Падерборн» ҳисобида эса ҳозирча бир очко бор.