«Frayburg» «Verder» ustidan yirik 4:1 hisobidagi g‘alabadan so‘ng yaxshi kayfiyatda «Paderborn» mehmoni bo‘ldi.
Jamoa 26-daqiqada hisobni ochib, kayfiyatini yanada ko‘tardi. Eggeshtayn raqib jarima maydoni ichida aniq zarba bilan darvozani ishg‘ol qildi.
«Paderborn» hisobni tenglashtirishga harakat qildi. Mezbonlar to‘pga egalik qilish bo‘yicha ustunlikka ega bo‘lishsa-da, hujumlarni xavfli vaziyatlarga aylantira olmadi. «Frayburg» esa hisobni saqlash uchun asosan himoyada o‘ynadi.
Yakunda «Frayburg» 1:0 hisobida minimal g‘alabani qo‘lga kiritdi. Ikki turdan so‘ng jamoa maksimal 6 ochko jamg‘argan. «Paderborn» hisobida esa hozircha bir ochko bor.
