Каталониянинг «Барселона» клуби Испания чемпионатида рақибларини тор-мор этишда давом этмоқда. Бу сафар «Барселона»дан «Валенсия» жабр кўрди — 0:5.

Бу «Барса»нинг жорий чемпионатдаги кетма-кет иккинчи сафар ўйини бўлдики, унда жамоа бешта гол урмоқда. Бундан аввал айнан шундай ҳисобда «Эльче» мағлубиятга учраб, ўз дарвозасидан бешта гол ўтказиб юборган эди.

Маълум бўлишича, «Барселона» сўнгги ўн йил ичида илк бор Испания чемпионатининг кетма-кет иккита сафар учрашувида бештадан гол уришни уддалади. Охирги марта бундай кўрсаткич 2016 йилнинг сентябрь ойида қайд этилган бўлиб, ўшанда «Леганес» ва Хихоннинг «Спортинг» клублари шундай мағлубиятга учраган эди.