Kataloniyaning «Barselona» klubi Ispaniya chempionatida raqiblarini tor-mor etishda davom etmoqda. Bu safar «Barselona»dan «Valensiya» jabr ko‘rdi — 0:5.
Bu «Barsa»ning joriy chempionatdagi ketma-ket ikkinchi safar o‘yini bo‘ldiki, unda jamoa beshta gol urmoqda. Bundan avval aynan shunday hisobda «Elche» mag‘lubiyatga uchrab, o‘z darvozasidan beshta gol o‘tkazib yuborgan edi.
Ma’lum bo‘lishicha, «Barselona» so‘nggi o‘n yil ichida ilk bor Ispaniya chempionatining ketma-ket ikkita safar uchrashuvida beshtadan gol urishni uddaladi. Oxirgi marta bunday ko‘rsatkich 2016 yilning sentyabr oyida qayd etilgan bo‘lib, o‘shanda «Leganes» va Xixonning «Sporting» klublari shunday mag‘lubiyatga uchragan edi.
