«Монако» Франция Лига 1 чемпионатининг дастлабки 3 турида ҳам ғалаба қозониб, 9 очко билан турнир жадвалида пешқадамлик қилмоқда.

«Париж», «Лион», «Лилль» ва «Ренн» 7 очкодан жамғариб, пешқадамдан 2 очко ортда бормоқда.

Франциянинг амалдаги чемпиони «ПСЖ» эса мавсумни муваффақиятсиз бошлади ва айни пайтда турнир жадвалида 13-ўринни эгаллаб турибди.

Парижликлар 3-турда «Монако»га 1:2 ҳисобида мағлуб бўлди. Бунга қадар жамоа «Лилль» ва «Ренн» билан бир хил — 2:2 ҳисобида дуранг ўйнаган.

Шу тариқа, «ПСЖ» чемпионатнинг дастлабки учта учрашувида ҳали ғалаба қозона олмади.