«Бёрнли»нинг янги ҳужумчиси Жейми Варди клубга ўтганидан сўнг ўз таассуротлари билан ўртоқлашди.

«Бёрнли» футболчисига айланганимдан жуда хурсандман. Бу катта тарихга ва ажойиб мухлисларга эга клуб. Улар ўзларини ва бутун шаҳарни муносиб тарзда намоён этадиган жамоага муносиб. Майдонга тушиб, «Бёрнли»нинг олдинга ҳаракат қилишига ёрдам бериш имкониятини интиқлик билан кутяпман», — деди Варди клуб матбуот хизматига берган интервьюсида.

Ўтган мавсумда 39 ёшли ҳужумчи «Кремонезе» шарафини ҳимоя қилди. У 29 та ўйинда 7 та гол урди ва 2 та голли узатмани амалга оширди.

Ўтган мавсум якунига кўра Англия Премьер-лигасини тарк этган «Бёрнли» Чемпионшипда 5 турдан сўнг 2 очко билан охирги — 24-ўринда бормоқда.

Эслатиб ўтамиз, Вардининг «Бёрнли»га трансфери ҳақида 6 сентябрь куни эълон қилинганди. Футболчи илк бор «Лестер»даги ўйинлари орқали катта саҳнага чиқиб, ушбу клуб билан Англия Премьер-лигасида чемпионликни қўлга киритган.