Мадриднинг «Реал» клуби ва Франция терма жамоаси ҳужумчиси Килиан Мбаппе 2026 йилги жаҳон чемпионати ярим финалидаги мағлубият фаолиятидаги энг оғири бўлган-бўлмагани ҳақида фикр билдирди.
«Испаниядан учралган мағлубиятми? Бу оғир эди. Аммо фаолиятимдаги энг оғир мағлубият бўлганми? Билмайман. Мен жаҳон чемпионати ва Чемпионлар лигаси финалларида ҳам ютқазганман. Биз ҳар доим жаҳон чемпионатида ғолиб чиқа олмаймиз, аммо доим ғалабага ташнамиз», — деди Мбаппе журналистларга.
Эслатиб ўтамиз, 2026 йилги жаҳон чемпионати ярим финалида Франция Испанияга 0:2 ҳисобида мағлуб бўлди. Учинчи ўрин учун баҳсда эса французлар Англияга 4:6 ҳисобида ютқазди.
2022 йилги жаҳон чемпионати финалида Франция Аргентинага қарши асосий ва қўшимча вақтни 3:3 ҳисобида якунлаган, аммо пенальтилар сериясида мағлуб бўлган эди.
2018 йилда эса Франция финалда Хорватияни 4:2 ҳисобида енгиб, жаҳон чемпионига айланган.
