Собиқ машҳур футболчи Гари Линекер Криштиану Роналду тарихдаги энг яхши футболчи бўлиши мумкинми, деган саволга жавоб берди.
«Криштиану бу мавзу муҳокамасида унинг номи тилга олинмаса, хафа бўлишини биламан. Аммо холис бўлишимиз керак. Криштиану ақлбовар қилмас даражада буюк футболчи. У тарихдаги энг буюк ўйинчилардан бири эканига шубҳа йўқ.
Аммо Роналду бошқа жиҳатларда мақтана олмайди. У тўрт нафар футболчини алдаб ўтиб, майдон марказидаги қуршовдан чиқиб, гол ура олмайди. Унда Месси ва Марадонадагидек майдонни кўриш қобилияти йўқ.
Мен бразилиялик Роналдони Криштиану Роналдудан бироз юқори қўярдим. Бу футболчиларни Зидан, Неймар ва Мбаппе билан бир тоифага киритган бўлардим», — дея Линекернинг сўзларини келтиради The Touchline.
