ФИФА президенти Жанни Инфантино жаҳон чемпионатидаги улушни хусусий инвесторларга сотиш таклифини рад этганидан афсусда ёки йўқлиги ҳақидаги саволга аниқ жавоб бермади.
Аввалроқ ФИФА танқидлардан сўнг жаҳон чемпионатининг тижорий ҳуқуқларининг бир қисмини хусусий инвесторларга сотишни кўзда тутган FIFA Forward Enterprise (FFE) лойиҳасидан воз кечган эди.
Инфантино бу масала бўйича саволга Катовицеда аёллар ўртасидаги U-20 Жаҳон чемпионатининг очилиш учрашувида иштирок этган пайтида жавоб берди.
«Биласизми, ҳали айтиладиган гаплар кўп. Аммо бунинг учун муносиб жой ва вақт бўлади. Бугун эмас, бу ерда эмас. Бугун эса биз футболдан завқланяпмиз.
ФИФАда дунёнинг ҳар бир бурчагига имконият бериш, уларга муносиб ҳаёт кечириш учун шароит яратиш, яхшиланиш, футболда иштирок этиш ва уни шарафлаш учун йўл ҳамда воситалар топиш устида ишлашда давом этяпмиз», — деди Инфантино.
